ખેડૂત ભાઈઓ, ઘણી વખત ખેતીમાં નવું ટ્રેક્ટર વસાવવા, કૂવો કે બોર કરાવવા, મોંઘા બિયારણ-ખાતર લાવવા અથવા ઘરના કોઈ મોટા પ્રસંગે અચાનક મોટી રકમની જરૂર પડી જાય છે. આવા સમયે વ્યાજખોરોના ચક્કરમાં પડવાને બદલે તમે તમારી પોતાની ખેતીની જમીન ગીરો મૂકીને બેંકમાંથી ખૂબ જ સસ્તા વ્યાજે લોન મેળવી શકો છો.
ખાસ કરીને SBI Agriculture Loan અને અન્ય સરકારી બેંકો ખેડૂતોને ખૂબ જ આસાનીથી રાહત દરે ધિરાણ પૂરું પાડે છે. આ આર્ટિકલમાં આપણે જોઈશું કે ખેડૂતો પોતાની જમીન પર KCC Loan Process (ખેડૂત ક્રેડિટ કાર્ડ) દ્વારા અને ખેતીની જમીન પર લોન કેવી રીતે મેળવી શકે છે.
ખેતીની જમીન પર કયા પ્રકારની લોન મળે?
ખેડૂતો મુખ્યત્વે બે રીતે જમીન પર લોન મેળવી શકે છે:
ખેડૂત ક્રેડિટ કાર્ડ (KCC): આ ખેડૂતો માટે સૌથી સસ્તી અને ઉત્તમ લોન છે. KCC Loan Process ખૂબ જ સરળ હોય છે અને આમાં પાક વાવવા, ખાતર-બિયારણ અને ખેતીના ટૂંકા ગાળાના ખર્ચ માટે લોન મળે છે. જો તમે સમયસર પૈસા પાછા ભરો, તો વ્યાજમાં મોટી છૂટ (સબસિડી) પણ મળે છે.
જમીન ગીરો લોન (Loan Against Agricultural Land): જો તમારે કોઈ મોટો બિઝનેસ શરૂ કરવો હોય, સંતાનોને ભણાવવા હોય કે અન્ય કોઈ મોટો વ્યક્તિગત ખર્ચ કરવો હોય, તો જમીન લાંબા ગાળા માટે ગીરો મૂકીને મોટી રકમ મેળવી શકાય છે.
લોન લેવા માટે કયા-કયા કાગળો (દસ્તાવેજો) જોશે?
બેંકમાં લોન પાસ કરાવવા માટે નીચેના કાગળો તૈયાર રાખવા પડશે:
ઓળખના પુરાવા: આધાર કાર્ડ, પાન કાર્ડ અને રેશન કાર્ડ.
જમીનના કાગળો: જમીનના અસલ દસ્તાવેજ, ૭/૧૨ અને ૮-અ ના તાજા ઉતારા (તલાટી પાસેથી મેળવેલા), અને જમીનનો નકશો.
બોજા વગરનું પ્રમાણપત્ર: તમારી જમીન પર કોઈ જૂની લોન બાકી નથી તેવું ‘નોન-એન્કમ્બ્રન્સ સર્ટિફિકેટ’ (જે વકીલ બનાવી આપે છે).
બેંક ખાતાની વિગત: છેલ્લા ૬ મહિનાની એન્ટ્રી વાળો બેંક પાસબુકનો કાગળ.
લોન મેળવવાની આસાન રીત
પગલું ૧ (બેંકની મુલાકાત): તમારી નજીકની સરકારી બેંકમાં જઈને SBI Agriculture Loan અથવા અન્ય બેંકના એગ્રીકલ્ચર લોન અધિકારીને મળો અને ફોર્મ ભરો.
પગલું ૨ (જમીનની ચકાસણી): બેંકના અધિકારી અને વકીલ તમારી જમીન જોવા આવશે અને સરકારી રેકોર્ડ તપાસશે કે જમીન ખરેખર તમારા જ નામે છે કે નહીં.
પગલું ૩ (જમીનની કિંમત નક્કી કરવી): સરકારી વેલ્યુઅર તમારી જમીનની બજાર કિંમત નક્કી કરશે. સામાન્ય રીતે જમીનની જે કિંમત થાય તેના ૫૦% થી ૬૦% સુધીની લોન બેંક મંજૂર કરે છે.
પગલું ४ (પૈસા ખાતામાં જમા થવા): બધા કાગળો સાચા હશે તો બેંક તમારા નામે લોન પાસ કરશે અને લોનના પૈસા સીધા તમારા બેંક ખાતામાં જમા થઈ જશે, જેને તમે દર વર્ષે કે છ મહિને હપ્તે-હપ્તે ભરી શકો છો.
