આપણા દેશમાં કપાસનું ઉત્પાદન અને ગુણવત્તા વધે તેમજ વિદેશથી આયાત ઘટાડી શકાય, તે માટે કેન્દ્ર અને રાજ્ય સરકાર દ્વારા આ મિશન શરૂ કરાયું છે. આ યોજનાનો મુખ્ય હેતુ ખેડૂતોને જૂની પદ્ધતિ છોડીને નવી વૈજ્ઞાનિક ગાઢ વાવેતર પદ્ધતિ અપનાવવા પ્રોત્સાહિત કરવાનો છે, જેથી ખેતીનો ખર્ચ ઘટે અને નફો વધે.
| વાવેતર પદ્ધતિ અંતર (હાર x છોડ) | સહાય રકમ |
| ગાઢ વાવેતર (HDPS) ૩ ફૂટ x ૧ ફૂટ | 14,000 રૂપિયા |
| મધ્યમ અંતર (ICM) ૩ ફૂટ x ૨ ફૂટ | 7,500 રૂપિયા |
પાત્રતા અને શરતો
મહત્તમ મર્યાદા: એક ખેડૂતને એક વર્ષમાં વધુમાં વધુ ૨ હેક્ટર (આશરે ૧૨.૫ વીઘા) જમીન સુધી જ સહાય મળી શકશે.
માન્ય બિયારણ: સરકાર દ્વારા માન્ય અથવા પ્રમાણિત કપાસની જાતો તેમજ મંજૂર Bt કપાસના બિયારણનું વાવેતર કરેલું હોવું જોઈએ.
ફાર્મર રજિસ્ટ્રી: લાભાર્થી ખેડૂતે પોતાનું ફાર્મર રજિસ્ટ્રી (Farmer Registry) કરાવેલું હોવું અનિવાર્ય છે.
પાત્રતા: ચાલુ સિઝનમાં નક્કી કરેલા અંતરે વાવેતર કર્યું છે અથવા કરવાના છે, તે તમામ ખેડૂતો આ સહાય માટે પાત્ર ગણાશે.
તાલીમ માર્ગદર્શન: આધુનિક ખેતી પદ્ધતિઓ અપનાવવા માટે સરકાર દ્વારા વર્ષ દરમિયાન વિશેષ તાલીમ કાર્યક્રમો યોજાશે.
અરજી પ્રક્રિયા શરૂ થઈ ગઈ છે!
પાત્રતા ધરાવતા તમામ ખેડૂતોએ 10 જુલાઈ, 2026 થી સરકારના ‘આઈ-ખેડૂત’ (i-Khedut) પોર્ટલ પર ઓનલાઈન અરજી કરવાની રહેશે.
